Benvegnuo

Camare

Ristorante

Indò semo

Bei posti

Calche foto

Fate sentir

Al momento gh’è tri camare, che emo sistemà in Corte indò stemo anca noialtri. El posto ‘na olta l’era el Municipio de Sorgà, infati se ciama “Via Municipio Vecchio”. Ind’ò gh’è “Calche foto” gh’è dele foto, apunto, bele assè delle nostre camare.

Chi se pol star a dormir e magnar, opure come bes end brefast, par tuto el tempo che olì. Chi da noialtri, ne la basssa, se pol girar in bicicletta o a pè tra le risare. Gh’è aironi, giratole, nutrie e panaroti grosi come i gati !
Intorno se pol andàr in cità a Verona o a Mantoa, a bear el cafè e a vedar i negossi e le ciese. Va a vedar ne la pagina “Bei posti” par catare l mejo che gh’è chi in giro. Se gav’ì de le idee basta ciamàr, semo sempre in serca de robe noe da proporre ai ospiti.

Ogni camara la g’hà el sò bagno, aria condissionata, se ghe entra in carrossina, ghè la tivù con el decoder de SKY e se pol vedar anca i film sporsei su SKY. Gh’è un cantonzìn indoe se pol cusinàr calcossa, farse un tè, un brulè o scaldar la minestrina par i butini.

Par dormir in dù in una camara se spende 70 talleri, e se magna la matina. Se gavì butini ghe ‘ol altri 20 talleri.

A le camare ghemo dato i nomi che ne piasea de pì.

Camara dei "Cugoli" Se ghe sta in tri, le porte le fa 90 sentimetri, gh’è un muro co quarei e cugoli “a vista”.
Camara de le "Bifore" Se ghe stà in du, el bagno ne la toretta del mile e otocento.
Camara de le rondeni Se ghe stà in quatro, con un divano letto par dù.

Agriturismo Corte Italia - Via Roma 3, 37060 Sorgà (VR, Italy) - tel +39 045 7370232 / +39 347 4424207