El ristorante l’ verto la sera del venere, de sabo e dominica pranzo e zena. Par quei che dorme ne le camare, se pol magnàr sempre !

Gh’è solo 40 careghe, quindi se olì magnàr l’è mejo prenotàr. L’idea l’è de far poco ma bòn, de star chieti e de magnàr bèn. Chi se pol de-scargàr na lista de piati (in taliano!) che se pol catàr da noialtri.

Se olì se pòl prenotàr tuta la sala par banchetti, compleanni, sgansaighe, cresime e comunioni. Se parchegia sensa problemi e gh’è tanto prà a disposissiòn. Insoma, l’è un posto da fameje e da far feste e riunioni.

La sala ‘na ‘olta l’era na scuderia, se sta freschi e se sta ben come i siori. Gh’è le volte de quarei, le grupie de piera, el paimento de selesini. Chi da noialtri se fa tante cose come le se fasea ‘na olta, anca i muri e l’ambientasion i è rispetosi de le tradissioni.

In cusina se dopara prodotti de l’azienda, par quel che se pol. El pan, la polenta rossa, i salami, el riso, la verdura d’istà, tute robe che ven dai nostri campi.

Per el menù completo se spende 20 talleri, sensa el bear !